Útprentaður er tölvupóstur til lítils gagns - en honum fylgja rafrænar sendingarupplýsingar

Það er rétt að lítið mál er að búa til skjal sem lítur út eins og tölvupóstur.

Það er líka hægt að senda tölvupóst úr einni tölvu og segja það koma annars staðar frá.

Það sem er hins vegar erfiðara að falsa þær sendingarupplýsingar sem tölvupóstinum fylgja þegar hann fer frá einni tölvu til annarrar.

Segðu mér að lögreglan hafi haft vit á að geyma þær upplýsingar þegar tölvan var yfirfarin. Því þær upplýsingar eru eina leiðin sem fær er til þess að staðreyna upprunastað tölvupósts. Að mínu viti ætti það að vera nauðsynlegur hluti sönnunarfærslu sem byggir á tölvupósti.

Já það er hægt að falsa þessar upplýsingar, en þá erum við að tala um tækniþekkingu sem er langt fyrir ofan venjulega einstaklinga í venjulegum (eða óvenjulegum) tölvupóstsendingum. 

Sýndi falsað tölvubréf í réttarsalnum

Athugasemdir

[Júlíus Valsson, 20.2.2007 kl. 16:56]

Sammála! Góður punktur.

[Helgi Viggósson (IP-tala skráð) 20.2.2007 kl. 17:17]

Já, það er einkennilegt að dómurunum þótti þetta svona athyglisvert, því þetta bragð af hálfu Jakobs, sem annars er hinn besti lögmaður,  er af ódýrustu gerð, þ.e.a.s. að sýna þetta á pappírsformi, án frekari skýringa.  Hér hefði átt að kalla til sérfræðingsvitni.Það er rétt hjá þér Elfur að til að nota tölvupóst sem sönnunargagn í dómsmáli, þarf að vera til upprunalegt eintak af honum í pósthólfi viðtakandans, þar sem rekjanleika upplýsingar er að finna.   Sjá dæmi hér um póst frá greiningadeild LÍ sem ég var að fá:

From - Tue Feb 20 16:32:37 2007

X-Account-Key: account2

X-UIDL: 542189

X-Mozilla-Status: 0001

X-Mozilla-Status2: 00000000

Received: from mx2.landsbanki.is ([194.105.245.133])

               by www.cofus.is

               with hMailServer ; Tue, 20 Feb 2007 16:26:12 +0000

Received: from W03855.li01r1d.lais.net (Not Verified[172.27.100.101]) by mx2.landsbanki.is with MailMarshal (v6,1,8,2172)

               id <B45db21440002>; Tue, 20 Feb 2007 16:26:44 +0000

Received: from M06010.milli-net.net ([194.105.245.145]) by W03855.li01r1d.lais.net with Microsoft SMTPSVC(6.0.3790.1830);

                Tue, 20 Feb 2007 16:27:31 +0000

From: "Greiningardeild Landsbankans" <[e-mail]>

To: [e-mail]

Message-ID: <[e-mail]>

Date: Tue, 20 Feb 2007 16:26:36 +0000

Subject: =?iso-8859-1?B?VmVndu1zaXI=?=

MIME-Version: 1.0

Content-Type: multipart/alternative; 

               boundary="----=_NextPart_eefe75ac_a347_4e93_82b2_e974ee28831d"

Return-Path: [e-mail]

X-OriginalArrivalTime: 20 Feb 2007 16:27:31.0492 (UTC) FILETIME=[04FBAE40:01C7550C]

Þessu til viðbótar myndi ég svo vilja sjá atburðaskrá póstþjónsins, til að bera saman við og fá  þannig frekari staðfestingu.  Þrátt fyrir þetta, þá væri tæknilega séð hægt að falsa þessar upplýsingar (það er allt hægt, bara misjafnlega erfitt) en að því gefnu að lagt hafi verið hald á gögnin af hálfu lögreglu, þannig að útiloka megi að þolandinn hafi haft tækifæri á að möndla með þau áður,  erum við komin með nokkuð skothelt sönnunargagn.

Annars verður tölvupóstur ekki orðinn brúklegur sem lögformlegur “pappír” fyrr en fólk fer að skrifa undir þá með rafrænni undirskrift, en skv. lögum EES, jafngildir slíkt undirskrift með bleki á pappír.

Kveðja,
Helgi.

[Argur (IP-tala skráð) 20.2.2007 kl. 17:57]

Halló hvað er í gangi. Að sjálfsögðu er hægt að falsa allt en með réttum aðferðum og gögnum í tölvu viðkomandi og póstþjóni er hægt að sannreyna tölvupóst. Það er þannig að fleiri enn einn þurfa þá að koma að þeirri fölsun og ef menn eiga að sleppa svona ódýrt frá hlutunum þá er illa fyrir okkar réttarkerfi komið. Það er líka hægt að halda því fram að færslum í bókhaldi hafi verið breytt eftirá (falsaðar) en eins og með tölvupóstinn þá þurfa aðilar með nokkuð góða þekkingu að koma að málinu. Þótt aðstoðarmaður lögmannins hafi tekist að búa til eitthvert wordpad skjal og prenta það út og sýna dómaranum og dómarinn tekið það gott og gilt sem sönnunargang á einhverju, sýnist mér að kunnátt og þekking þeirra sem sitja í dómarasætum sé óbótavant.

[Elfur Logadóttir, 20.2.2007 kl. 22:41]

Slembinn, það er vissulega hægt að falsa og eiga við öll tölvugögn. Nákvæmlega þess vegna er ég að segja að þær rafrænu sendingarupplýsingar sem fylgja tölvupóstinum ættu að vera hluti af sönnunarfærslunni, þ.e. vera nauðsynlegur viðauki tölvupósts sem sönnunargagns, til þess að varnartækni eins og sú sem Jakob Möller beitti í gær, sé betur hrekjanleg og til þess að tölvupóstur verði álitinn öruggara sönnunargagn.

Sendingarupplýsingarnar er vissulega hægt að falsa, en það þarf fleiri til og venjulega töluvert meiri þekkingu en meðaljóninn hefur á tækninni.