Tæpur trúverðugleiki

Ég verð nú að segja að maðurinn sem hefur verið leiðandi í notkun afritunarvarna á vörum sem hann hefur selt, er nú ekki beint sá sem maður trúir til að hafa heilindi á bak við yfirlýsingar sem þessar.

Svo ekki sé minnst á að á fundi á vegum skólans hérna úti í haust, lét fulltrúi Apple í iTunes málinu hér í Noregi hafa eftir sér að ástæða skorts á gagnvirkni (e. interoperability) tónlistar sem keypt er hjá iTunes verslununum, væri fyrst og fremst tæknilegur ómöguleiki - því að allar aðgerðir til að auka gagnvirkni, myndu vera á kostnað einfaldleika græjunnar.

Afsakið ef ég er skeptísk á heilindin.
En hann hefur aldrei klikkað á pé-errinu, það má hann eiga.

Jobs vill afnema afritunarvarnir

Athugasemdir

[Sigurður J Guðmundsson (IP-tala skráð) 8.2.2007 kl. 00:02]

Þetta er ekki rétt skilið hjá þér kallinn minn. Jobs og Apple hafa verið leiðandi í notkunarvarna af því þeir verða að gera það til að geta selt tónlistina vegna þess að þeir eru bundnir af samningum útgáfufyrirtækjanna. Það þýðir ekki að þeir vilji það endilega.

Hvað tæknilegu ómöguleikana varðar þá er það hvað mest misskilið þar sem það er hægt að spila hvaða óvarða mp3 skrá á hvaða spilara sem er. Þegar varnirnar eru komnar í spilið verður það mun flóknara. Það sem Jobs er að meina er að fá leifi til að selja óvarðar mp3 skrár sem þá væri hægt að spila á hvaða spilara sem er. Þetta vandamál setendur og fellur með ákvörðun útgáfufyrirtækjanna.

[Sigurður J Guðmundsson (IP-tala skráð) 8.2.2007 kl. 00:05]

Afakaðu, ég áttaði mig ekki á því fyrr en ég var búinn að senda athugasemdina að þú ert vissulega enginn kall . Ég biðst afsökunar á þessu kellan mín

[Elfur Logadóttir, 8.2.2007 kl. 19:47]

Já Sigurður, kella er ég víst :) ... eða kannski bara ... jú jú kella.

Jobs er fyrst og fremst snillingur í tímasetningu og markaðssetningu, þess vegna er hann á þeim stalli sem hann er ... sumir myndu jafnvel líkja því við stöðu Beckhams í fótboltanum ... en aftur að efninu.

Tæknilegi ómöguleikinn sem þeir eru að bera fyrir sig er einmitt svo vitlaus, sem gerir mig skeptíska á trúverðugleika mannsins núna, þegar ljóst er að verða að almenningur mun ekki fallast á gamla bisness strúktúr tónlistariðnaðarins. Bendi á athugasemd mína við eldri pistil minn um efnið þar sem ég bendi á að finna þurfi nýtt viðskiptamódel fyrir tónlistariðnað framtíðarinnar. Jobs rennur á lyktina og stekkur á bráðina, til þess einmitt að halda sig réttu megin við almenningsálitið.