Þingsályktunartillaga - stjórnarskipunarlög ... hver er munurinn?

Það hljómaði eitthvað skakkt að bera fram þingsályktunartillögu um lögbundna þætti í stjórnskipuninni þannig að ég fór inn á vef Alþingis og sá fljótt að þingsályktunartillagan sem rædd er í fréttinni reyndist vera frumvarp til stjórnarskipunarlaga. Frumvarp til þess að breyta stjórnarskrá íslenska lýðveldisins er örlítið stærra en þingsályktunartillaga.

Að sjálfsögðu má síðan efast um tilgang þess að leggja fram frumvarp til breytingar á stjórnarskránni á fyrsta starfsári Alþingis eftir kosningar, þar sem stjórnarskrá verður ekki breytt nema rjúfa þing og boða til kosninga. Er Siv virkilega tilbúin í nýjar kosningar?

http://www.althingi.is/altext/135/s/0024.html 

Vilja að ráðherrar víki úr þingsæti

Athugasemdir

[Hreiðar Eiríksson, 3.10.2007 kl. 22:07]

Ekki er að finna í stjórnarskránni nein fyrirmæli um að frumvarp til breytinga á stjórnskipunarlögum skuli aðeins leggja fyrir Alþingi í lok kjörtímabils.  Þetta er hins vegar siður stjórnmálaflokka, slæmur siður á mínu mati því að kosningar sem fara í kjölfar samþykkis slíkra frumvarpa snúast í raun um allt annað en stjórnskipunarlög.

[Elfur Logadóttir, 3.10.2007 kl. 23:10]

Þar er ég fyllilega sammála þér Hreiðar. Þess vegna spurði ég líka sérstaklega í lok færslunnar hvort Siv væri raunverulega tilbúin í nýjar kosningar. 

[María Kristjánsdóttir, 9.10.2007 kl. 17:21]

Góð ábending.